找回密碼
 註冊
搜索
查看: 1332|回復: 3

剩女大作賤

[複製鏈接]
發表於 2012-4-12 16:44 | 顯示全部樓層 |閱讀模式
三色台呀, 三色台, 你真係為恐天下不亂、社會怨氣未夠勁、男女誤解深溝未夠深。係你先諗得出, 要出動到遊艇直升機、名車名酒、大屋花園、夜蒲速配、洋鬼大隻仔嚟烘托呢班所謂「盛女」。首先,我唔覺得佢哋係盛/剩女, 佢哋個個都生活得好好吖, 有錢有樓又有狗, 生活快樂有仔又得無仔都得, 咁攪嚟做乜? 都係無事搵事做啫, 見人哋部電影《喜愛夜蒲》「好似」收得, 所以就整番個女權主義少鹽多水花版嚟高興吓。不過都係嗰句啦, 抄得無深度, 度橋嗰個去咗維基度, 又係一個只得空殼嘅節目。

節目一出, 我無睇, 因為我真係無興趣睇, 我睇我自己都睇到飽晒啦, 咁仲有咩好睇呢? 我都係見到班網友睇完第一集之後, 由十幾歲到幾十歲嘅都熱烈討論, 見大家插到個節目飛起, 於是就上網睇番吓。哇, 唔睇由自可, 一睇就把幾火...同我諗嘅一模一樣, 都係個用錢用氣派堆砌嘅所謂節目。其實佢同《超級巨星》《香港小姐》《五覺大戰》《殘酷一叮》一類相約, 都係一班「星級大師」幫你改頭換面, 講吓正字, 講吓秘技, 然後再掉你去一個好似好氣派嘅地方參加終極一戰, 然後完場。唉...諗到都覺得悶。不過網友嘅反應值得深思。

插爆個節目嘅絕大部份都係成年男性。佢哋都鬧爆三色台長期蠶食大家心靈, 令依家嘅年青人只懂「TBB式愛情」, 即係「男人要有錢有地位錫晒女友, 不過同時係咸濕同不專一」。正所謂「女友面前係薯仔, 朋友面前係叻仔」。至於女嘅呢, 得兩款, 一係「樣靚身材正典型拜金港女, 見高就搶, 見低就藐, 無人會有良心」; 一係就「純過蒸餾水, 飲慣礦泉水, 為男友可以瞓身乜都得, 無智慧無邏輯」。講到尾, 都係唔正常嘅人類。有時真係唔明, 就當香港係有10%嘅人係咁, 咁點解我哋要接受同睇呢10%嘅人代表晒我哋嘅生活同戀愛態度呢?

或者香港真係太鍾意由大多數服從少數, 政治如是, 民生如是。最可笑係, 我見到唯一一個讚話會追睇呢個節目, 想學呢班盛女「努力向上爬」「終於明白愛情係要咁樣付出」嘅人, 係一個正牌大學妹講出嚟。你睇吓, 三色台教育令香港陸沉喇......
回復

使用道具 舉報

發表於 2012-4-13 12:04 | 顯示全部樓層
其實個節目好慘咁扭曲咗人性的價值觀, 將人變成一件商品, 為了迎合市場需要而改變自己
回復

使用道具 舉報

發表於 2012-4-13 12:19 | 顯示全部樓層
咁有時人都要進步下, 等自己的生命活得更好
回復

使用道具 舉報

發表於 2012-4-14 00:20 | 顯示全部樓層
樓主篇野太過敏喇, 我諗大家都要明白果渣剩女係比較極端既例子, 佢地同時間有太多問題. 相對一般人, 我諗會比較少. 不過既然係一個節目, 唔通搵100個平常人咩? 梗係搵呢個問題大而且多既, 一鑊過去講喇!

所以我唔覺得個節目有問題!
回復

使用道具 舉報

您需要登錄後才可以回帖 登錄 | 註冊

本版積分規則

關閉

推薦上一條 /1 下一條



手機版|Jetsocome 著數來

GMT+8, 2024-3-28 17:29 , Processed in 0.052009 second(s), 16 queries .

Powered by Discuz! X3.5

© 2001-2024 Discuz! Team.

快速回復 返回頂部 返回列表