Our website is made possible by displaying online advertisements to our visitors.
Please consider supporting us by disabling your ad blocker.

我們通過向訪問者顯示在線廣告,維持運作。 請考慮通過停用廣告攔截器來支持我們。

Jetsocome 著數來

 找回密碼
 註冊
搜索
查看: 661|回復: 1

橡膠穎

[複製鏈接]
發表於 2012-5-11 09:58 | 顯示全部樓層 |閱讀模式

鄭嘉穎得個chock字 被封橡膠穎

貴為視帝的鄭嘉穎向來惹火,近日遭素有積怨的無綫前藝員冼灝英公然插爆,直指他性格有缺陷,嘉穎更被網友封做「橡膠穎」,日前他即抽空往洗牙擋煞,對於被冼灝英力斥,嘉穎反擊說:「熟我嘅人知道係點就已經OK。」

鄭嘉穎自從榮升無綫視帝後,是非緋聞接踵而來,除了傳他狂追劉心悠外,最近其主演的新劇《拳王》剛出街,外界口碑已相當不俗,不過負面新聞一樣很多,繼被指劇情抄電影橋段後,近日鄭嘉穎更遭為該劇擔任動作指導的「冼師傅」冼灝英公開力斥,形容他戲雖好,但太自我不懂得尊重人。


返港洗牙擋煞

據知二人在拍攝《拳》劇期間已不咬弦,令冼師傅兩位有份演出的徒弟黃浩然與黃澤鋒,與嘉穎私底下亦冇偈傾,直至冼師傅最近過檔王維基,在沒有顧慮下自爆昔日恩怨。另外,有網友批評他在《拳》劇演出得個chok字,更惡搞封他做「橡膠穎」。

日前嘉穎抽空回港宣傳,完成後未有爭取時間返家休息,反而發現他去了銅鑼灣睇牙,順便洗埋棚牙,未知是否近來負面新聞太多,洗牙擋下煞。他說:「人行得多都要修理下啦,牙都一樣。」前一日他還往髮型屋剪髮,實行保持靚仔樣最重要。對於冼灝英公然開名指摘,昨日身在內地忙於開工的鄭嘉穎在電話中表示:「唔同人有唔同睇法,唔識我嘅人對我有誤解,唔會多作評論,總之,熟我嘅人知道係點就已經OK。」

《拳王》監製羅永賢表示有看過報道,對冼灝英評嘉穎為人之字眼過分「嚴厲」,他說:「冼灝英義務幫我地個劇做泰拳顧問,大家當然有唔同意見,不過拍攝都好順利,至於師傅係有自己一套感覺表達,但嘉穎份人對工作係好緊張,拍攝時唔會從容,好繃緊,呢種性格你話好又得唔好又得,不過佢地討論過後,嘉穎都會照做,今次我睇到冼師傅個說法,字眼上係嚴厲咗,我都會搵佢了解!」


樂易玲維護愛將

跟冼灝英學武的黃澤鋒當然撐師傅,並指嘉穎性格自我:「拍攝時我冇聽到佢兩個有拗撬,(覺得嘉穎份人點?)平時點吓頭啦!佢都係自我o架!平時我地少接觸,碰面就係打擂台,因為劇中我地係對立!」

視嘉穎為「愛將」的無綫高層樂易玲昨日對冼灝英鬧爆嘉穎坦言:「習武嘅人係直腸直肚!」及後樂稱黃浩然與師傅冼灝英有默契是毋庸置疑,相反嘉穎非習武之人,要他短時間演拳手「形神俱備」並不容易:「嘉穎始終傷過,對所有動作都要清楚了解,唔似得浩然同師傅咁有默契!」

回復

使用道具 舉報

發表於 2012-5-17 18:04 | 顯示全部樓層
i like him bor
回復 支持 反對

使用道具 舉報

您需要登錄後才可以回帖 登錄 | 註冊

本版積分規則


手機版|小黑屋|Jetsocome 著數來

GMT+8, 2018-12-12 22:16 , Processed in 0.055336 second(s), 7 queries , File On.

Powered by Discuz! X3.3

© 2001-2017 Comsenz Inc.

快速回復 返回頂部 返回列表