返回列表 發帖


12年6月7日壹周刊投訴版:婚紗黑店 Envi Bridal(永情婚紗)

我朋友join左, 都可以接受, 不過有d地方好古怪,


例如伴娘/奶奶衫, 試過上身要即日confirm要邊件, hold左唔可以轉或唔要.............(所以未睇啱千期唔好試身)


話說我都覺得 li 間野對舊客嘛嘛~~~e+ d package愈來愈平, 又多野送, 晨早join左佢地就咩都無!!! 真係點對得住一眼睇中佢地既新娘客仔........每次我fd見到佢有new package都眼火爆............





( 唔想有人再受害就Share啦!! )


好慶幸, 我的婚禮可以順利完成, 明白籌備期間總係不盡人意, 總係有d阻滯, 而我整個婚禮最失敗就係揀左 Envi Bridal(永情婚紗)...雖然我冇錢上面既損失, 但亦令我o係籌備婚禮期間冇左好多好多腦細胞。


一開始o係facebook睇到宣傳, 打左電話book時間上去試衫, 當日比佢開出ge條件吸引, 無限次轉款, 送貨服務, 而且價錢唔貴, 就有十套衫, 但係當日比晒錢之後, 惡夢就開始了!!


話就話可以無限次轉款, 但打電話去預約時間, 竟然可以比幾個月後ge期我, 但我知道有人以新客打電話去book期, 一星期唔洗就有期, 絕對係比完錢後打完齋唔要和尚, 由11年6月至12月期間, 除左fitting外, 我只可以book期上到去一次, 而且只限一小時, 揀得衫黎, 佢又要check期, 搞搞下試得一, 兩件就話之後有客, 趕都趕唔切咁要我換返衫出黎。另外, 話明新衫, 點解咁快冇期呢??揀親件件都話冇期...有冇咁橋, 咁啱o個段時間揀埋一樣既衫呢???


一個女仔, 當然緊張自己出嫁當日ge嫁衣, join當日老闆娘話佢地入貨入得好密, 快的話每個月都有新貨返, 但我唔明白冇期比舊客上去試, 何來轉款呢??既然你唔比期我上黎試, 我就o係電話關心一下你地既婚紗幾時有新貨返, 老闆娘的態度確係令我火起, 又話經常返貨, 但根本只係其他客跟舊貨造出黎;有D衫仲只係得一個Size, 根本唔顧及所有顧客, 最衰係問佢幾時返新款婚紗, 佢竟然答我"答唔到你架噃, 真係答唔到噃, 要遇到啱先入貨, 遇唔啱冇理由夾硬入", 即係睇唔啱, 成世都唔洗入啦..... 我覺得佢結婚時已經知道有左bb, 只係自己結婚先不斷返新貨比自己, 佢所謂既分店, 只係o係同一棟工廠大廈入面, 同埋主攻a-line款....又話請左人返黎, 跟住又話個員工衰炒左....根本係佢間野自己有問題~~


我有好大ge疑惑, join呢間公司ge客人係咪個個都唔洗返工??佢地fitting時間竟然要o係星期一至五ge六點前, 理由係六點後改衫姐姐收工, 呢樣完全冇服務可言, 一間公司唔係方便客人咩, 反而要我請假黎就佢地, 我未聽過有人因為要fitting而請假, 間間都係就個客架啦, 打工仔年假好寶貴架!!!


十套衫入面包括媽咪, 奶奶, 伴娘各一套, 之前我join時話只係借左d衫出去, 但根本選擇好少, 最後揀無可揀之下伴娘揀左條無肩帶裙,(因為冇得改短) 為安全起見, 只是要求多加吊帶, 得來老闆娘一句”冇得加架喎!!”串到吖, 試都未試就話唔得, 乜野係顧客至上??


媽咪, 奶奶去左一次揀款, 之前個員工斬釘截鐵話奶奶唔洗再去試, 媽咪黎多一次唔洗再黎,到final fit連媽咪奶奶都要去多次,之後問另一個員工, 竟然可以答我, 話之前個員工冇做, 呢個唔係理由囉…應承左老人家但又要佢地走幾轉!!


當初join其中一個吸引處係送貨收貨服務, 但經過之前所謂既服務, 實在唔放心比佢當日big day先送貨到酒樓, 所以事先一早講左會早d攞衫, 但收貨照舊, 之前應承人當晚o係酒樓收貨,我rundown都編好晒, 之後又推遲第二日收,理由係公司得返兩個女仔係公司問題,唔應該影響我。。。四日三夜服務入面, 竟然到攞衫先知男裝要去太子自己攞, 自己還, 乜野服務???


按金唔問都唔講幾錢, 第一日八套衫收我兩萬按金, 但我另一日得兩套衫都想收我兩萬按金, d頭飾都要五百一個, 仲多過化妝師, 我問左幾次兩套收兩萬??最後攞衫o個日先話收五千蚊按金。


第二次租衫, 到前一個星期都冇人打電話比我叫我fitting, 要我自己打電話問先如夢初醒, 但我唔得閒再上去fitting, 諗住叫佢地攞返上次個三圍, 但佢竟然話冇左…隔一陣先再打電話黎話揾返。到攞衫o個日我堅持要六點後, 去到佢就想將衫入盒, 冇諗住比我試, 但我仍然話要試下, 但佢話就算唔啱都冇改衫阿姐。


以上就係呢間所謂"良心婚紗店", 老闆絕對係睇人服務(如果佢的支持者係真的話, 因為我知好多都只係佢自己做打手), 我除左第一日見到老闆同老闆娘態度和藹可親外(當然係收錢前), 其他時間都只係覺得呢間野"打完齋唔要和尚"收左錢就算, 完全冇服務可言, 所以雖然我冇損失, 但都唔希望再有其他新人遭殃!!



以下亦有另一個受害人既故事:

https://www.facebook.com/notes/candy-fung/-%E8%AB%8B%E5%B9%AB%E5%BF%99-share-thx-thx-12%E5%B9%B46%E6%9C%887%E6%97%A5%E5%A3%B9%E5%91%A8%E5%88%8A%E6%8A%95%E8%A8%B4%E7%89%88%E5%A9%9A%E7%B4%97%E9%BB%91%E5%BA%97-envi-bridal%E6%B0%B8%E6%83%85%E5%A9%9A%E7%B4%97/10151032220940097


複製 引用 收藏 分享 評分


直接上淘寶買裙, 都係$3xx-5xx 一條!

TOP


share 出去吧!

TOP


個女仔寫既野係真架.......我fd 依家都要請假去fitting................真係好差~~~

TOP

返回列表